Өсвөр үеийнхний эрүүл мэндэд дараах нийтлэг асуудал тулгарч байгааг Нийгмийн Эрүүл Мэндийн Үндэсний Төв (НЭМҮТ)-өөс мэдээлж байна.
Тодруулбал,
- Хийжүүлсэн ундаа өдөр бүр уудаг 41.8%
- Чихэрлэг хүнс өдөр бүр хэрэглэдэг 63.9%
- Чихэр өдөр бүр иддэг 62.4% байгаа аж. (Өсвөр үеийн хоол тэжээлийн байдал-2019 судалгааны тайлан)
“Эрүүл бус хооллолт, хөдөлгөөний дутагдал зэрэг нь таргалалтад нөлөөлөх гол хүчин зүйл болж байна. Хүүхдүүд өдөр тутамдаа хэрэглэдэг хүнсний бүтээгдэхүүнээс хангалттай амин дэм авч чадахгүй байгаа гэдгийг судалгааны үр дүн харуулжээ. Тухайлбал,
- 13-17 насны хүүхдүүд өдөрт нэгээс олон удаа хийжүүлсэн ундаа уудаг 34%
- 13-17 насны хүүхдүүд долоо хоногт гурав ба түүнээс дээш олон удаа түргэн хоолны газарт хооллодог 26%
- Хүүхдүүд өдөрт гурав ба түүнээс дээш цагийг зурагт үзэж, компьютер тоглоом тоглох, эсвэл хөдөлгөөнгүй сууж өнгөрүүлдэг 44%-тай байгаа” гэдгийг АШУҮИС-ийн багш, Анагаах ухааны доктор М.Ундрам өмнө нь хэлж байсан.
