Сүхбаатартын төв талбайд зассан тайз нэлээд удаж байгааг олон нийт шүүмжилж буй.
Тухайлбал, “АСЕМ-ийн үеэр БНХАУ-аас Монгол Улсад бэлэглэсэн алдарт Meyer Sound брэндийн дууны систем, маш үнэтэй гэрэлтүүлэг, тайз краказ ингээд утаа тоосон дунд намраас хойш байна” хэмээх мэдээлэл цахим орчинд гарсан.
АСЕМ-ийн үеэр Монгол улсад БНХАУ-аас бэлэглэсэн олон сая долларын үнэтэй америкийн алдартай Meyer Sound брэндийн дууны систем, маш үнэтэй гэрэлтүүлэг, тайз краказ ингээд утаа тоосон дунд намраас хойш гэвтэж байна даа! Хувийн компанийн өмч байсан бол хэзээ ч ингэж хаяхгүй дээ!🤦️ pic.twitter.com/jOTUTqX7Ix
— ЗулханХонгор (@ZulkhanHongor) November 13, 2022
Талбай дээр зассан тайз болон тоног төхөөрөмжийг яагаад хураахгүй байгаа талаар Нийслэлийн Соёл урлагийн газраас тодруулахад “Төв талбай дээрх “Нийслэл тайз”-ыг арваннэгдүгээр сард зохиогдох арга хэмжээнд зориулж буулгаагүй. Шинэ сэргэлтийн бодлого, аялал жуулчлалыг дэмжих жилийн ажлын хүрээнд нийслэл хотоос уламжлалт болон шинэлэг урлаг соёлын төсөл хөтөлбөр, томоохон арга хэмжээнүүдийг тавдугаар сараас хойш тасралтгүй зохион байгуулсан. Давхардсан тоогоор 700,000 хүнд соёл урлагийн арга хэмжээг хүргэж ажилласан.
Төв талбай дээрх тайзыг аравдугаар сарын сүүлээр буулгах ёстой байсан ч ашиглалтыг сунгаж, арваннэгдүгээр сард болох арга хэмжээнүүдийг хийхээр төлөвлөсөн юм. Гэвч төсвийн хэмнэлтийн тухай хууль болон эдийн засгийн өнөөгийн нөхцөл байдлаас шалтгаалан арваннэгдүгээр сарын арга хэмжээ цуцлагдсан.
Энэ дагуу нийслэлээс тайзыг буулгаж хураах ажил төлөвлөгөөнд тусгагдаж, ажил эхлэхэд бэлэн болсон байна. Ташрамд дурдахад, төв талбайд байрлуулсан тайз, тоног төхөөрөмжийг улирлын чанартай ашигладаг учраас олон нийтийн үйл ажиллагаа, арга хэмжээнд зориулж угсрах болон хураах нь төлөвлөгөөний дагуу явагддаг болно” хэмээх тайлбарыг өглөө.
ФОТО:
